Jessica Simpson është aktualisht e qetë pas shtrimit në spital. Aktorja 38-vjeçare ka shkruar në “Instagram” për të treguar se ka qëndruar një javë në spital pasi u diagnostikua me bronkit.

“Pas një jave në spital për bronkit, unë jam më në fund në shtëpi. Kollitja ka qenë një udhëtim i dhimbshëm. Unë po bëhem gjithnjë e më e shëndetshme. Edhe foshnja është mirë. Dashuri për të gjithë ata që u luten për mua”, ka shkruar Jessica. Ajo aktualisht është shtatzënë, pret fëmijën e tretë me bashkëshortin Eric Johnson.