Në seancën e Kuvendit Komunal të Tuzit, të shtunën u bë zgjedhja e kryetarit të ri të Komunës së pavarur të Malësisë.

Kandidatin për kryetar, Nik Gjeloshaj, e mbështetën koalicioni i forcave politike shqiptare, këshilltari i Demokratëve të Malit të Zi dhe këshilltarët boshnjakë.

Siç bën të ditur “Zëri i Amerikës”, kjo është hera e parë që përfaqësuesit e shqiptarëve do të udhëheqin në Komunën e Tuzit, që tani ka statusin e pavarur, si të gjitha komunat e tjera në Malin e Zi.