Kalidou Koulibaly është zgjedhja e parë e Real Madridit në verë në rast të një largimi të Varanes. Sipas medieve spanjolle, 27-vjeçari i Napolit është objektivi numër një i trajnerit, Zinedine Zidane, për ta përforcuar mbrojtjen.

Drejtuesi i madrilenëve, Jose Angel Sanchez, për t’i përshpejtuar tratativat, ka nisur menjëherë bisedimet me menaxherët e mbrojtësit senegalez, i cili vlerësohet rreth 150 milionë euro. Kjo shumë konsiderohet e përballueshme pasi vlera e vendosur për merkaton nga klubi spanjoll kap shifrën e 500 milionë eurove.