Ambasadori i Kosovës në Maqedoni, Gjergj Dedaj, është takuar të hënën me homologun e tij slloven në Shkup, Milan Jazbec.

“E njoha me zhvillimet politike në Kosovë dhe si dy vende mike, me një histori të shkëlqyer të bashkëpunimit, kërkova mbështetjeb e Sllovenisë, për anëtarësimin e Kosovës në organizatat europiane dhe ndërkombëtare, si dhe në rrugëtimin tonë për integrimet euroatlantike të Kosovës dhe të gjitha vendeve të Ballkanit Perëndimor”, ka shkruar ambasadori Dedaj në llogarinë e vet në “Facebook”.