![](https://www.epokaere.com/wp-content/uploads/2019/04/46182D59-868D-4C5E-895F-EA7C10E08DE0.jpeg)
Sot deputetët diskutojnë me qytetarë të Klinës
17 prill 2019
| 10:03
Kuvendi i Republikës së Kosovës, me iniciativën e Forumit për Transparencë Parlamentare, organizon Ditët e Kuvendit 2019.
Gjatë takimeve publike që do të zhvillohen në qytetet e Kosovës, qytetarët do të kenë mundësinë të diskutojnë drejtpërdrejt me deputetët.
Takimi i radhës do të mbahet në qytetin e Klinës, sot, më 17 prill 2019.
Takimi mbahet në Sallën e mbledhjeve të Kuvendit Komunal në Klinë dhe fillon në orën 14:00.
Në debat marrin pjesë deputetët: Mirjeta Kalludra –LDK, Evgjeni Thaçi-Dragusha-PDK, Fatmire Kollçaku-LVV, Time Kadrijaj-AAK, Shqipe Pantina-PSD dhe Haxhi Shala –Nisma.