Trumpi: Muelleri nuk duhet të dëshmojë para Kongresit

06 maj 2019 | 18:09

Presidenti i Shteteve të Bashkuara, Donald Trump, ka thënë se këshilltari i posaçëm, Robert Mueller, “nuk duhet të dëshmojë” para Kongresit.

Më herët, Trump ka thënë se nuk do ta bllokonte Muellerin nga dëshmia dhe se do t’ia linte vendimin përfundimtar prokurorit të përgjithshëm, William Barr.

Muelleri, në raportin 448 faqesh, nuk ka nxjerrë ndonjë provë për bashkëpunim të fshehtë midis Rusisë dhe fushatës zgjedhore të Trumpit më 2016.

Dëshmia e tij, megjithatë, mund t’i japë Kongresit qasje në informacione të tjera, që janë redaktuar.

“Përse demokratët në Kongres tani kanë nevojë që Robert Mueller të dëshmojë”, ka pyetur Trumpi në llogarinë e vet në “Twitter”, duke kujtuar se hetimet e Muellerit nuk kanë konstatuar se ai ka bashkëpunuar me rusët.

Muelleri, më herët, ka kritikuar prokurorin e përgjithshëm, Barr, për përmbledhjen që i ka bërë raportit të tij, duke thënë se ai i ka keqinterpretuar disa gjetje.

Demokratët e Kongresit kanë bërë thirrje të detyrueshme për publikimin e plotë të raportit të Muellerit, por Departamenti i Drejtësisë nuk i është përgjigjur ende kësaj kërkese.

Lajme të sponsorizuara

Të fundit
Këtë vit në procesin e vlerësimit të projekteve të fermerëve…