Kryetari i Lidhjes Demokratike të Kosovës (LDK), Isa Mustafa, ka pritur në takim ambasadoren e Finlandës në Kosovë, Pia Stjernvall.

Mustafa e ka njoftuar ambasadoren Stjernvall në lidhje me qëndrimet e LDK-së për situatën aktuale politike.

Po ashtu, kryetari Mustafa e ka falënderuar shtetin e Finlandës për mbështetjen e vazhdueshme që i ka dhënë Kosovës.

Gjatë takimit u diskutua për zhvillimin ekonomik dhe bashkëpunimin e mëtutjeshëm me Finlandën.

Ambasadorja e Finlandës, Pia Stjernvall, ka falënderuar kryetarin Mustafa për pritjen dhe ka vlerësuar rolin konstruktiv të LDK-së në proceset e Kosovës.

Njëkohësisht ka rikonfirmuar zotimin e shtetit të Finlandës për përkrahjen e Kosovës në procesin e integrimit në Bashkimin Evropian.

/Epoka e re/