Kryeministri i Kosovës, Ramush Haradinaj, në kuadër të vizitës zyrtare në Berlin, është takuar edhe me Kryetarin e Bundestagut, Wolfgang Schauble, të cilin e ka falënderova për gjithçka që legjislativi gjerman dhe ai personalisht kanë bërë për Kosovën.

“Në konferencën ‘Takimet Ndërkombëtare’, pata kënaqësinë ta takoj kryetarin e Bundestagut, Wolfgang Schauble, të cilin e falënderova për gjithçka që Parlamenti gjerman dhe ai personalisht kanë bërë për Kosovën. Ndjenjë e mirë që Kosova është pjesë e pandashme e këtyre takimeve që promovojnë paqen dhe mirëbesimin ndërmjet njerëzve dhe kombeve! Faleminderit Gjermani!”, ka shkruar Haradinaj në llogarinë e vet në “Facebook”.

/Epoka e re/