![](https://www.epokaere.com/wp-content/uploads/2019/06/8A0015C8-5AFC-4066-8A8A-D89DFFD18393.jpeg)
Të burgosurit në Mitrovicë punuan rreth 100 karrige dhe tavolina
24 qershor 2019
| 10:34
Në vazhdën e aktiviteteve të punës së organizuar nëpër burgje, të burgosurit e Qendrës së Paraburgimit në Mitrovicë, kanë punuar rreth njëqind karrige dhe tavolina.
“Qëllimi i punës së organizuar në burg është mbajtja dhe zhvillimi i aftësisë profesionale dhe kapacitetit të punës së të burgosurit. Kjo përmirëson mundësitë e të burgosurit për të jetuar edhe pas lirimit. Përveç kësaj, puna normalizon jetën e përditshme në burg”, është thënë në njoftimin e Shërbimit Korrektues të Kosovës.
Secili punim i kryer nga të burgosurit në punëtoritë e SHKK-së, kryesisht përdoren për nevojat e qendrave korrektuese dhe atyre të paraburgimit. Disa prej tyre jepen edhe donacion.