![](https://www.epokaere.com/wp-content/uploads/2018/02/qeveria.jpg)
Qeveria mbron qytetarët në veri, hap pikat shitëse në bashkëpunim me bizneset
Kryeministri i Kosovës, Ramush Haradinaj, ka njoftuar se në bashkëpunim të ngushtë me komunitetin e biznesit në Kosovë dhe pas konsultave me të gjitha institucionet përkatëse, qeveria ka organizuar hapjen e pikave të përkohshme shitëse me pakicë në veriun e vendit.
Në profilin e tij në “Facebook”, ai ka shkruar se simulimi i katastrofës humanitare nga ana e Serbisë, është një tjetër përpjekje e dështuar për destabilizim.
Sipas tij, ky aksion i qeverisë për qëllim ofrimin e të gjitha produkteve elementare për banorët e asaj ane.
Postimi i plotë i Haradinajt:
Qeveria e Kosovës mbron qytetarët në veri, duke hapur pikat shitëse në bashkëpunim me bizneset kosovare.
Simulimi i katastrofës humanitare nga ana e Serbisë, është një tjetër përpjekje e dështuar për destabilizim. Pas demaskimit të këtij skenari, të paralajmëruar kohë më parë, Qeveria e vendit, mbetet e përkushtuar për të ofruar siguri për gjithë qytetarët e saj, pa dallim!
Në bashkëpunim të ngushtë me komunitetin e biznesit në Republikën e Kosovës dhe pas konsultave me të gjitha institucionet përkatëse, kemi organizuar hapjen e pikave të përkohshme shitëse me pakicë në veriun e vendit. Ky aksion, i kordinuar dhe planifikuar, ka për qëllim ofrimin e të gjitha produkteve elementare për banorët e asaj ane.
Sot, edhe njëherë u kemi dhënë përgjigjen institucionale, të gjitha veprimeve të orketstruara nga Serbia, përgjigje e cila vulosë sovranitetin e vendit, solidaritetin qytetarë, përgjegjësinë dhe kujdesin e Qeverisë së Republikës së Kosovës ndaj të gjithë qytetarëve të Republikës së Kosovës.
Ansë qytetarë i Kosovës nuk do të jetë viktimë e luftës speciale që orkestrohet nga agjentë të jashtëm. Kosova është shtet që ne e ndajmë bashkë si shoqëri!
/Epoka e re/