Kryeministri i Kosovës, Ramush Haradinaj, ka pritur në takim ambasadorët e shteteve të Quint-it dhe shefen e zyrës së BE-së në Prishtinë, Nataliya Apostolova.

Në këtë takim, Haradinaj ka informuar ata për angazhimin e Qeverisë së Kosovës për sundimin e ligjit dhe rendit në veri.

“Kosova do të mbështesë dhe mbrojë qytetarët e saj në veri! Në takim pune me ambasadorët e shteteve të Quint-it dhe shefen e zyrës së BE-së në Prishtinë, Nataliya Apostolova, i informova për angazhimin e Qeverisë për sundim të ligjit dhe rendit në veri, si dhe për veprimet e ndërmarra për furnizim të qytetarëve të asaj ane me artikuj të nevojshëm”, ka shkruar Haradinaj në llogarinë e vet në “Facebook”.

/Epoka e re/