Me synim të mbrojtjes së shëndetit publik dhe me qëllim të mbikëqyrjes së zbatimit të dispozitave ligjore në fuqi, Drejtoria për Punë Inspektuese, respektivisht inspektorët e tregut në Gjakovë gjatë kësaj jave do të fillojnë me inspektime me qëllim të mbikëqyrjes së zbatimit të Ligjit për mbrojtjen e konsumatorit, me fokus të veçantë do të mbikëqyret nëse janë duke u shërbyer konsumatorët nën moshën 18-vjeçare me pije alkoolike dhe duhan.

Komuna e Gjakovës ka bërë me dije se inspektimet do të fokusohen në shoqëri tregtare me veprimtari: aktivitetet shërbyese lëvizëse të pijeve (bareve dhe diskotekave).

“Në rast se inspektorët e tregut konstatojnë së personat juridik apo fizik kanë shitur, shërbyer ose ofruar pije alkoolike dhe duhan personave nën moshën 18-vjeçare do të ndërmarrin masa ndëshkuese të përcaktuara me ligj”, ka njoftuar Komuna e Gjakovës.

/Epoka e re/