![](https://www.epokaere.com/wp-content/uploads/2019/08/6A7DEB9A-FB9B-45ED-9944-DCD45C18E9C4.jpeg)
Kuvendi i Kosovës të nxjerr ligjin për mbrojtjen e luftëtarëve të lirisë
Në tryezën e organizuar të shtunën në Pejë nga shoqëria civile dhe OVLUÇK-ja në Pejë, me temën “Përndjekja e luftëtarëve të UÇK-së. Ç’të bëjmë?”, panelistët Gazmend Syla, kryetar i Degës së OVL të UÇK-së Pejë dhe Gafur Elshani avokat, shpjeguan shkaqet dhe morën shembuj rreth mënyrës se si u trajtuan luftëtarët e lirisë në Kosovën e pasluftës por dhe nga mekanizmat e drejtësisë ndërkombëtare.
Konkluzion i tryezës, ku folën edhe pjesëmarrësit, ishte që Kuvendi i Kosovës të nxjerr ligjin për mbrojtjen e luftëtarëve të lirisë nga persekutimi, në bazë të aktakuzave të lëshuara nga Beogradi.
Gjithashtu u kërkua nga shteti i Maqedonisë Veriore ta ndërprejë praktikën e arrestimeve të luftëtarëve me aktakuza të një shteti që ushtroi gjenocid në tërë Ballkanin.
Maqedonia e Veriut nuk duhet të ndjek politikë të dyfishtë ndaj Kosovës dhe u kërkua që bashkëluftëtari Tomor Morina të lirohet menjëherë, pasi që vonesat në lirimin e tij, mund të cenojnë raportet mes dy vendeve.