Moise Kean është zyrtarisht një lojtar i Evertonit. Sulmuesi i datëlindjes 2000 është larguar nga Juventusi për të nisur një aventurë të re me “Toffees”, që ka vendosur ta ndërtojë sulmin rreth yllit italian.

Në arkat e Juventus kanë shkuar 30 milionë euro, plus bonuse, ndërsa lojtari ka

nënshkruar një kontratë 5-vjeçare. Ai ka qenë vendimtar në titullin e fundit të fituar nga bardhezinjtë në Itali me 6 golat e realizuar në 13 ndeshjet e luajtura.