Lideri i AAK-së, Ramush Haradinaj, ka takuar sot kryetarët dhe përfaqësuesit e degëve të kësaj partie nga Mitrovica, Zubin Potoku, Zveçani, Leposaviqi, Vushtrria dhe Drenasi.

Haradinaj ka treguar se pjesë e diskutimit ishte mobilizimi i Aleancës, posaçërisht në rajonin e veriut të Kosovës për t’iu përgjigjur zgjedhjeve të lira dhe demokratike, në mënyrë masive.

“Aleanca është mirë e strukturuar edhe në veri të vendit dhe koncepti 100% shtet do të jetë referendum për qindpërqind Kosovë”, ka thënë Haradinaj pas takimit.