Kryetari i Aleancës Kosovare të Bizneseve (AKB), Agim Shahini është takuar me Kemail Purishiq, ministër i Punës dhe Mirëqenies Sociale në Malit të Zi, më të cilinë kanë diskutuar për marrëdhëniet ekonomike në shtete e Ballkanit Perëndimor.

“Aleanca Kosovare e Bizneseve në Takimin e lartë të Partnerëve Social –Ekonomik për Ballkanin Perëndimor i organizuar në Shkup nga ILO dhe Komisioni Evropian po marrin pjesë delegacione të vendeve të ndryshme të Ballkanit ku temë diskutimi është Avancimi i Dialogut Social në mes Punëdhënësve, Punëmarrësve dhe Qeverive të Ballkanit. Agim Shahini, kryetari i AKB-se u takua me disa delegacione të ndryshme të Ballkanit Perëndimor e ne veçanti me z. Kemail Purishiq, ministër i Punës dhe Mirëqenies Sociale në Malit të Zi”, është thënë në komunikatën e AKB-së, duke u shtuar se gjatë këtij takimi është biseduar dhe për shkëmbimin e praktikave më të mira të funksionimit të Dialogut Social-Ekonomik në mes dy vendeve, si model për Ballkanin Perëndimor. “Shahini tha se Dialogu në mes partnerëve trepalësh në Kosovë është më i avancuari në Ballkan, ku përmendi disa raste konkrete se si Këshilli Ekonomiko-Social funksionon në Kosovë dhe ndërtimin e raporteve të përditshme në mes bizneseve-sindikatave dhe Qeverisë. Ky shembull i mirë u paraqit edhe gjatë punimeve të takimit multilateral para përfaqësuesve të 8 shteteve”, është thënë në komunikatën e AKB-së.

Sipas kësaj komunikate, Kemail Purishiq, ministër i Punës dhe Mirëqenies Sociale të Malit të Zi prezantoi punën e Qeverisë dhe të Këshillit Ekonomiko Social se si funksionon në vendin tonë dhe kjo është një partneritet i qëndrueshëm që po ndërtojmë vazhdimisht në mes Punëdhënësve dhe Punëmarrësve e Qeverisë në Mal të Zi “Ai shtoi se bashkëpunimi në mes Malit të Zi dhe Kosovës duhet të jetë edhe më i lartë për arsye se neve na lidhin edhe tradita pothuajse e ngjashme por edhe afërsia që kemi gjeografikisht , prandaj ne do te jemi gjithmonë të hapur për të avancuar raportet tona me bizneset sindikatat dhe Qeverinë e Kosovës. Të dy palët u pajtuan se Këshilli Ekonomiko Social i dy vendeve tona është shembull për gjithë Ballkanin Perëndimor”, është thënë në njoftimin e AKB-së.

/Epoka e re/