Presidenti i ShBA-së, Donald Trump, në një intervistë për ‘FOX News’ ka thënë për Matthew Whitaker, para se të emërohej ministër i Drejtësisë në Administratën e presidentit të ShBA-së, se “Matt Whitaker është njeri i madh. E njoh Matt Whitaker”.

“Matt Whitaker punoi për Jeff Sessions dhe gjithmonë gëzonte konsideratë të lartë dhe ende e gëzon. Por, unë s’e njihja Matt Whitaker. Ai punoi për Prokurorin e Përgjithshëm. Matt Whitaker është njeri shumë i zgjuar. Është shumë i respektuar në mesin e komuniteit që merret me zbatimin e ligjit. Shumë i respektuar prej më të mirëve. Faktikisht, zgjedhja e tij u prit me entuziazëm dhe ende pritet nga rrethe të caktuara. Por, më lejoni ta them këtë: Matt Whitaker është një person shumë i respektueshëm dhe nuk kishte asnjë problem me Matt Whitaker, kur punonte për Jeff Sessions. Ai respektohet nga zbatuesit e ligjit. Ai është një person dhe personalitet shumë i fortë në zbatimin e ligjit”, ka thënë Trump kur e kishte emëruar ministër të Drejtësisë, ish-zyrtarin amerikan që sot është në Kosovë, në përkrahje të Kadri Veselit.