Ambasadorja e Kosovës në Shtetet e Bashkuara të Amerikës, Vlora Çitaku, ka komentuar procesin e zgjedhjeve të parakohshme parlamentare të 6 tetorit.

Ajo përmes një postimi në llogarinë e vet në “Facebook”, ka shkruar se fushata ka përfunduar pa asnjë incident, gjithashtu edhe votimi ishte i qetë.

“Kosova shembullore! Fushatë pa asnjë incident serioz. Votim i qetë. Rezultatet dalin brenda pak orësh dhe pranohen pa eufori nga fituesit dhe pa dëshpërim nga humbësit! Zemër e madhe je #Kosovë”, ka shkruar Çitaku.

/Epoka e re/