Kampioni aktual, Besa Famgas e ka fituar me rezultat të lartë ndeshjen me Dritën. Të dielën në Gjilan, pejanët fituan me rezultat 68:17.

Pas pjesës së parë rezultati ishte 34:9 në të mirë të Besës. Pas javës së 11-të të Superligës së Kosovës në hendboll, Besa Famgas udhëheq në tabelë me 22 pikë, derisa Drita mbetet e fundit pa pikë. 13 lojtarë të Besës shënuan gola, kurse më efikasët ishin Y. Muqolli me 11 gola dhe K. Jupa me 10. Te Drita u dallua A. Isufi me 8 gola.

Të dielën u luajt edhe ndeshja në mes të Prizrenit e Llapit. Fitore shënoi Prizreni me rezultat 40:34. Për Prizrenin është fitorja e tretë, kurse kjo skuadër renditet e teta me 7 pikë. Llapi mbetet i nënti me 4 pikë. Që në pjesën e parë prizrenasit krijuan epërsi bindëse, 22:15. A. Krasniqi e V. Zherka shënuan nga 8 gola për Prizrenin. 12 gola për Llapin i shënoi A. Hoxha.

Drita – Besa Famgas 17:68 (9:34)

Drita: Shkodra 2, Kurti, Hasani, Tosku 1, Sllamniku 2, Latifi 4, Asllani, Isufi 8 Veliu.
Besa Famgas: Mehmeti, J. Muqolli 7, Gjuka 7, Ramosaj 1, Thaqi 3, Kukrika 5, Tahirukaj 4, Visoka 5, Luzha 4, Y. Muqolli 11, Jupa 10, Vokshi 1, Idrizi 5, Mushkolaj 5.

Prizreni – Llapi 40:34 (22:15)

Prizreni: Koro, Thaqi, J. Thaqi, O. Krasniqi 1, A. Krasniqi 8, Gashi 1, Skenderi 4, Ahmetaj, Spahija 5, Mehmeti 5, Etemi, Leka 5, Bytyqi 1, Topalli 2, Ferati, Zherka 8.
Llapi: Visoka 3, Hyseni, Rexhepi 2, Bajrami 2, Havolli 2, Mani, Hoxha 12, Muqiqi 4, Hasani 6, Beshiri 3.