![](https://www.epokaere.com/wp-content/uploads/2019/11/ED92E2EC-BABE-4F59-B453-91A0FE216570.png)
Thaçi: Shqipëria nuk është vetëm, e ka Kosovën
Presidenti i Kosovës, Hashim Thaçi, po i viziton zonat e prekura nga tërmeti në Shqipëri.
Thaçi i shoqëruar edhe nga presidenti i Shqipërisë Ilir Meta, po qëndron në Durrës, që është njëra nga zonat më të goditura nga tërmeti.
Ai ka shprehur solidaritetin e Kosovës për Shqipërinë, ndërsa deklaroi se kur Shqipëria ka dhimbje, edhe Kosova ka dhembje, kur Shqipëria ka zi edhe Kosova ka zi.
“Dëshiroj të falënderoj ushtarët dhe policët e Kosovës që i janë paraqitur kësaj gjendje. Shqipëria nuk do të jetë vetëm. Të jemi bashkë dhe ta tejkalojmë bashkë këtë situatë… Kosova është pranë Shqipërisë me të gjithë potencialin e saj shtetëror dhe qytetar. Shqipëria ka bërë shumë për Kosovën në vitet e ’98 dhe ’99, ku ishin hapur dyert për qytetarët e Kosovës dhe të njëjtën gjë po bënë sot Kosova për qytetarët e Shqipërisë… Shqipëria nuk është vetëm, e ka Kosovën e ka edhe bashkësinë ndërkombëtare”, ka deklaruar Thaçi.