Aktorja e njohur Cameron Diaz është bërë nënë për herë të parë, në moshën 47-vjeçare. Një rast i rrallë krahasuar  me personazhet e tjerë të  showbizzit në  botë. Ajo ka sjellë në jetë një vajzë, të cilën e ka pagëzuar me emrin Raddix.

Raddix i është shtuar familjes së aktores,  7 vjet pas lidhjes së dashurisë mes aktores dhe Benji Madden. Që të dy prej kohësh kishin dëshirë të bëheshin prindër, por Zoti këtë vit dëshiroi t’i bekonte me ndjesinë e të bërit prindër.

Këtë lajm të bukur e ka bërë të ditur vetë aktorja përmes një postimi në Instagram, ku zbulon se tani familja e saj është e kompletuar, dhe se ajo ndihet e lumtur për këtë gjë.