Kryesuesi i Kuvendit Komunal të Mitrovicës, Safet Kamberi, së bashku me anëtarët e grupit punues kanë mbajtur takimin e parë konstituiv për hartimin e planit të punës së Kuvendit për vitin 2020.

Ky grup punues është i përbërë nga gjithsej nëntë anëtarë, të cilët kanë për detyrë të hartojnë planin vjetor të punës së Kuvendit për vitin 2020, dhe pastaj ta procedojnë tek Kuvendi i Komunës për miratim.

Ndërkaq në këtë takim është bërë edhe zgjedhja e kryetarit të komisionit, me ç’rast anëtarët e këtij grupi punues kanë zgjedhur unanimisht që kryetar të jetë anëtari nga Kuvendi Komunal, Vesel Neziri.

/Epoka e re/