Kryesia e re e Partisë Demokratike të Kosovës sot ka zgjedhur dhe plotësuar strukturën e re drejtuese të partisë, duke emëruar nënkryetarët, sekretarin dhe një numër udhëheqësish të departamenteve sektoriale.

Në listën e emërimeve të reja, ajo që bije në sy janë pozitat që kanë marr ish-nënkryetaret e kësaj partie, Hajredin Kuçi dhe Enver Hoxhaj.

Në këtë mbledhje, Kryesia e PDK-së ka vendosur që Hajredin Kuçi të jetë udhëheqës i Departamentit për Politika Programore, kurse Enver Hoxhaj, udhëheqës i Departamentit për Marrëdhënie Ndërkombëtare.

Nënkryetarë të kësaj partie janë emëruar Agim Aliu, kryetar i komunës së Ferizajt dhe Shaqir Totaj, kryetar i degës së PDK-së në Prizren.

Kurse, sekretar i Përgjithshëm i PDK-së është emëruar kryetari i degës së PDK-së në Prishtinë, Uran Ismaili.