![](https://www.epokaere.com/wp-content/uploads/2020/02/B39D2116-31AA-481A-A202-0B540C9F68DC.jpeg)
Lajmi i fundit: Arrihet koalicioni LV-LDK
Kryetari i LV-së, Albin Kurti, dhe ai i LDK-së Isa Mustafa, në një konferencë për media sot në ambientet e Kuvendit të Kosovës, kanë bërë me dije se kanë arritur koalicion.
Kurti ka thënë se marrëveshja është nënshkruar me LDK-në.
Ai ka thënë se LDK-ja do ta drejtojë Kuvendin.
Lideri i LV-së ka bërë me dije se Glauk Konjufca do të bëhet pjesë e ekzekutivit.
Kurti ka theksuar Qeveria nën drejtimin e tij do të ketë 15 ministri.
Gjashtë ministri do të ketë LV-ja dhe gjashtë LDK-ja, ndërkaq minoritetet do të kenë tri ministri.
“Ne sot u takuam me kryetarin Isa Mustafën dhe u dakorduam që të takohemi edhe nesër për ta zgjedhur qeverinë e re dhe në këtë mënyrë ta jetësojmë ndryshimin e madh politik të 6 tetorit. Ne tash me kemi nënshkruar marrëveshjen dhe jemi marrë vesh për të gjitha, përveç për harmonizimin të programit edhe për ndarjen e përgjegjësive në kuadër të qeverisë së re ku ne do të bashkëqeverisim”, ka thënë i mandatuari për kryeministër, Albin Kurti.
Ndërkaq lideri i LDK-së, Isa Mustafa, ka thënë se çështja e postit të presidentit do të diskutohet kur të vije koha e zgjedhjes.
Të dy liderët nuk kanë dhënë më shumë detaje rreth marrëveshjes, madje gazetarët nuk kanë pasur qasje për të përcjell nënshkrimin e marrëveshjes LV-LDK.
Më 3 shkurt, në seancën plenare të thirrur nga i mandatuari për kryeministër, Albin Kurti, pritet të votohet për Qeverinë e ardhshme të Kosovës, të udhëhequr nga LV-ja dhe LDK-ja.
/Epoka e re/