![](https://www.epokaere.com/wp-content/uploads/2020/02/AFF5938A-48D4-43EF-98E2-9BA7407C4E3C.jpeg)
Kurti: Mbrojtja dhe mbështetja e prodhuesve vendor, është strategjia e Qeverisë për zhvillim ekonomik
Kryeministri i Republikës së Kosovës, Albin Kurti, së bashku me zevendës kryeministrin, Haki Abazi pritën në takim Arian Zekën, drejtor ekzekutiv i Odës Ekonomike Amerikane në Kosovë i cili ishte i shoqëruar nga Tea Blakaj Hoxha, sekretare gjenerale e Qendrës së Arbitrazhit, Anila Sylajn dhe Altin Zogajn.
“Në takim u diskutua për prioritetet e Qeverisë në fushën e ekonomisë me theks të veçantë ndihmën për prodhuesit vendorë, nevojën e prodhimeve vendore dhe reciprocitetin ekonomik dhe tregtar. Mbrojtja dhe mbështetja e prodhuesve vendorë me ndihmë profesionale dhe mbështetje institucionale është strategjia e Qeverisë për zhvillim ekonomik. Kjo bëhet me bashkëpunim të të gjitha aktereve, meqë roli i Odave është shumë i nevojshëm”, thuhet në njoftimin e Qeverisë së Kosovës.