![](https://www.epokaere.com/wp-content/uploads/2020/02/haradinaj-majlinda.jpg)
Haradinaj: Majlinda dhe ekipi i xhudos janë shtyllat më të forta të krenarisë dhe identitetit tonë shtetëror
Ish-kryeministri i Republikës së Kosovës, Ramush Haradinaj ka marrë pjesë në zbulimin e shtatores se Majlinda Kelmendit në qytetin e Pejës.
Ai ka thënë se Majlinda, trajneri Diton Kuka dhe ekipi i xhudos u bënë shtyllat më të forta të krenarisë dhe identitetit tonë shtetëror.
“Kënaqësi e veçantë të isha pjesëmarrës sot në Pejë gjatë zbulimit të shtatores së kampiones Olimpike e evropiane, Majlinda Kelmendi, triumfet e së cilës u shndërruan në fitore të jashtëzakonshme për Kosovën. Majlinda, së bashku me trajnerin Driton Kuka dhe gjithë ekipi i xhudos, përmes punës së tyre të shkëlqyeshme, u bënë shtyllat më të forta të krenarisë dhe identitetit tonë shtetëror. Gjithnjë në mbështetje të yjeve tanë sportivë”, ka shkruar Haradinaj në profilin e vet në “Facebook”.
/Epoka e re/