Kryetari i Nismës Socialdemokrate, Fatmir Limaj, i shoqëruar nga Jakup Krasniqi, Bilall Sherifi dhe zyrtarë tjerë të Nismës kanë qëndruar në familjen e Qerim Kelmendit në Llabjan të Pejës, i cili është vrarë disa ditë më parë.

Me këtë rast, Limaj ka thënë se me bashkëpunëtorë kanë nderuar jetën dhe veprën e Qerim Kelmendit, luftëtar i orëve të para të UCK-së.

“Sot ishim për vizitë ngushëlluese në familjen e Qerim Kelmendit, në Llabjan të Pejës. Me bashkëpunëtorë nderuam jetën dhe veprën e Qerim Kelmendit, luftëtar i orëve të para të Ushtrisë Çlirimtare të Kosovës. I përjetshëm qoftë kujtimi për Qerimin!”, ka shkruar Limaj në llogarinë e vet në “Facebook”.

/Epoka e re/