Janë zhvilluar gjashtë ndeshje në NBA në një mbrëmje ku nuk munguan surprizat. Befasinë më të madhe e bëri Charlotte Hornets, që mposhtën me thuajse 20 pikë diferencë, 108-89, Houson Rockets. Një ndeshje që u kushtëzua nga starti i pabesueshëm i vendasve, që morëm që në fillim avantazhin 20-0. Përcaktues Terry Rozier me 24 pikë, pa harruar edhe mbështetjen e madhe me 23 pikë të Devonte’ Graham. Nuk mjaftuan për Rockets “triple-double” i James Harden, 30 pikë, 14 asistime e 10 “rebound”, dhe 25 pikët e Robert Covington.

Humbje e papritur edhe për Denver Nuggets, 104-102 në parketin e Cleveland Cavaliers, që mbyllin klasifikimin në Konferencën e Lindjes. Skuadra nga Colorado më këtë disfatë humbet kontaktet me Los Angeles Clippers në garën për vendin e dytë në Perëndim. Spikatin në suksesin e Cavs Kevin Love me 27 pikë dhe Collin Sexton me 27, ndërsa Nuggets paguajnë paraqitjen nën mesatare të Nikola Jokic, që e mbylli ndeshjen me vetëm 8 pikë.

Vijojnë problemet në transfertë për Philadelphia 76ers, që këtë radhë u dorëzuan në parketin e Golden State Warriors, të cilët nuk kishin në përbërje Stephen Curry-n. U mbyll 118-114 në “Chase Center” të San Franciscos, me vendësit që përmbysin shifra në periodën e fundit falë një rezultati të pjesshëm 36-24. Vendimtarë në fitoren e Warriors Damion Lee dhe Eric Paschall, respektivisht me 24 dhe 23 pikë, ndërsa te Philadelphia më i miri rezultoi Tobias Harris me 24 pikë, raporton “Superport”. Respektuan në fakt parashikimet Utah Jazz, që iu imponuan 105-111 Detroit Pistons. Përcaktuese pjesa e parë që u mbyll 55-39 në favor të miqve, në radhët e të cilëve spikati Bogdan Bogdanovic me 32 pikë. Për “Pistons” nuk mjaftoi “double-double” i Christian Wood (30 pikë dhe 11 “rebound”).

Fitore e rëndësishme për Memphis Grizzlies, që kaluan 118-101, me 27 pikë dhe 17 “rebound” të Valanciunas, Atlanta Hawks, duke konsoliduar pozicionin e tyre në zonën “play-off” në Konferencën e Perëndimit.

Rezultatet

Charlotte Hornets – Houston Rockets                  108-99
Detroit Pistons – Utah Jazz                                     105-111
Cleveland Cavaliers – Denver Nuggets                 104-102
Memphis Grizzlies – Atlanta Hawks                     118-101
Golden State Warriors – Philadelphia 76ers       118-114
Portland Trail Blazers – Sacramento Kings         111-123