Kryeministri i Kosovës dhe lideri i Vetëvendosjes, Albin Kurti nuk ka pranuar ftesën e presidentit Hashim Thaçi për takim.

Zyra e Presidentit në një përgjigje për medie ka sqaruar se kryeministri i Kosovës, Albin Kurti, njëherësh lider i Vetëvendosjes, e kishte konfirmuar takimin e sotëm me presidentin Thaçi në orën 13:00.

Ky takim, sipas Zyrës së Presidentit, është anuluar pak minuta para orës 13:00.

“Po, sot ka qenë i konfirmuar edhe takimi me kryeministrin Kurti, njëherësh lider i Vetëvendosjes. Ky takim është anuluar vetëm pak minuta para orës 13:00”, është thënë në përgjigjen e Zyrës së Presidentit.

Presidenti Hashim Thaçi është takuar sot me kryetarin e LDK-së, Isa Mustafa, atë të PDK-së, Kadri Veseli dhe liderin e AAK-së, Ramush Haradinaj.