Seleksionuesi i Italisë, Roberto Mançini ka thënë se ka gjëra tjera më të rëndësishme tash sesa Evropiani 2020 i futbollit.

Mançini ka dhënë një intervistë për “Rai Sport” për situatën e krijuar nga koronavirusi COVID-19, që ka ndal gjithë sportin.

“Ne duhet të lëmë lojtarët në shtëpi. Ata janë profesionistë dhe e dinë se çfarë duhet të bëjnë. Varësisht se kur dhe nëse do të rinisë liga, ata do të kenë dhjetë ditë apo dy javë kohë për të stërvitur rregullisht”, ka thënë Mançini.