Drejtor i IKShPK-së, thirrje kryetarëve: Ndiqeni shembullin e Suharekës
Naser Ramadani, drejtor i IKShPK-së, u ka bërë thirrje të gjitha komunave në territorin e Kosovës, që t’i evidentojnë mysafirët që vijnë në komunat e tyre.
Një gjë të tillë po e praktikon edhe Komuna e Suharekës.
Kryetari i Suharekës, Bali Muharremaj, ka obliguar kryetarët e fshatrave që të merren me evidentimin e secilit qytetar që ka ardhur në Kosovë javët e fundit.
Këtë thirrje dhe veprim e ka përshëndetur drejtori Ramadani, i cili ka bërë thirrje që ta ndjekin këtë shembull të Suharekës.
“APEL KOMUNAVE TË KOSOVËS!
NDIQNI SHEMBULLIN E SUHAREKËS!
EVIDENTONI MUSAFIRËT QË TI PRESIM SA MË MIRË!
TI MBROJMË NGA COVID-19 DUKE I URUAR QËNDRIM TË KËNDSHĒM NË SHTËPITË E TYRE NË VETËKARANTIN!”, ka thënë ai.
Ndryshe, edhe sot po vazhdon pastrimi dhe dezinfektimi i rrugëve dhe shesheve në Suharekë.