Kryetari i PDK-së, Kadri Veseli, ka përkujtuar njërin nga veprimtarët e shquar e të pandalshëm. Ai e ka quajtur atë Plaku i bashkimit të gjeneratave dhe të forcave për çlirim.

Xheladin Gashi, i njohur me nofkën “Plaku”, vdiq më 21 mars 2005.

Postimi i plotë i Veselit:

Më 21 mars 2005 kombi, familja dhe të afërmit, ne bashkëluftëtarët, humbëm veprimtarin e përkushtuar e të pandalshëm, njërin nga besnikët më të vendosur të çështjes kombëtare.

Plaku, nuk ishte plaku i moshës e viteve, ishte Plaku i bashkimit të gjeneratave, forcave për çlirim, ishte urtia e trashëguar dhe mbresëlënëse te secili që e njohu apo u përkushtua për lirinë e Kosovës.

Dita e parë e pranverës, nga dita e rreshtimit të Plakut në panteonin e heronjve të kombit, fillon me kujtime të paharruara për të, si një shembull sa e madhe e sa e fuqishme mund të jetë dashuria e një atdhetari për atdheun.