![](https://www.epokaere.com/wp-content/uploads/2020/03/kuvenddd.jpg)
Komuna e Drenasit ndan mbi 200 mijë euro për parandalimin e përhapjes së COVID 19
25 mars 2020
| 13:47
Komuna e Drenasit ka mbajtur sot seancë urgjente, ku në mënyrë unanime është votuar propozimi për ndarjen buxhetore prej 229 200 euro për të plotësuar nevojat që dalin në këtë situatë emergjente për parandalimin e virusit COVID-19.
Edhe asamblistët kanë falënderuar Lladrovcin për gatishmërinë dhe menaxhimin e kësaj situate në Komunën e Drenasit, duke e mbështetur propozimin për ndarjen e mjeteve.
Kreu i Drenasit ka propozuar që asamblistët nga opozita dhe pozita të marrin pjesë në menaxhimin e këtij fondi që është miratuar si dhe të jenë pjesë e Shtabit Emergjent, në mënyrë që shpenzimi i parasë publike të jetë transparente.