Mbështetja për stafin shëndetësor, përveç nga institucionet lokale, po bëhet edhe nga qytetarët dhe bizneset. Qendra Kryesore e Mjekësisë Familjare në Ferizaj ka pranuar këto ditë kontingjente pajisjesh dhe materialesh mbrojtëse për tejkalimin më të lehtë të situatës së shkaktuar nga COVID-i.

Shemsi Salihu nga barnatorja “ProPharm” i ka dhuruar QKMF-së në Ferizaj 200 dezinfektues. Donacionin e tij e kanë pranuar drejtori i DShMS-së, Bekim Ademi, drejtoresha e QKMF-së, Nadire Imeri si dhe stafi i QKMF-së. Ata u shprehën falënderues për mbështetjen e ofruar, veçanërisht tash kur stafi shëndetësor është në përballje me rrezikun e virusit COVID 19.