“Do të ketë shumë vdekje në javët e ardhshme”, deklaroi presidenti amerikan në konferencën për shtyp në Shtëpinë e Bardhë, raporton Ansa.

“Të dhënat e fundit të ShBA-së flasin për 8 000 viktima dhe për 300 000 raste të infeksionit nga koronavirusi. Kjo është një situatë e jashtëzakonshme. Një gjë e tillë nuk është parë kurrë”, shtoi Trump.

ShBA-ja regjistroi rreth 1 500 të vdekur si pasojë e koronavirusit të ri në 24 orë, sipas informacioneve të Universitetit “Johns Hopkins”, duke regjistruar kështu bilancin më të rendë në vend.