Kryeministri italian Xhuzepe Konte pritet të njofrojë vendin për një zgjatje të masave kufizeuese deri në maj. Konte pati një bisedë telefonike me përfaqësuesit e bashkimit italian të enjten e 9 prillit dhe shpjegoi se vendi nuk ishte ende gati për të lehtësuar kufizimet, tha Christian Ferrari, presidenti i sindikatës së punës CGIL në rajonin verilindor të Venetos, i cili ishte i pranishëm në thirrje, për CNN.

Sipas Ferrari, Konte tha që zgjatja do të vazhdonte deri më 3 maj me vetëm disa përjashtime të bizneseve që lejoheshin të rihapeshin pak më shpejt. Konte vazhdoi t’u tregojë përfaqësuesve të sindikatës se kjo ishte mënyra e vetme për të mbrojtur shëndetin publik në Itali.

Kryeministri italian pritet t’i drejtohet vendit të premten, tha një burim zyrtar i qeverisë për CNN. Burimi nuk pranoi të komentojë nëse Konte do të njoftonte një zgjatje të masave të bllokimit.

Italia është vendi më i prekur në botë nga koronavirusi pasi shënon 18,279 viktima dhe 143,626 të infektuar.