Erling Haaland brenda pak muajsh ka arritur që të ngjisë me shumë shpejtësi shkallët e karrierës së tij.

Fillimisht shkëlqeu me Salzburgun në Champions dhe më pas u transferua te Dortmund, atje ku është kthyer tashmë në “makineri” golash. Në një intervistë që ka dhënë së fundmi për sajtin e njohur “’Four Four Two”, norvegjezi ka treguar se pëlqen shumë stilin e Ibrahimoviç.

“Më pëlqen mentaliteti dhe mënyra se si Ibrahimoviç i shikon gjërat, në një botë ndryshe. Mendoj se edhe unë do të kem të njëjtën besim si ai. Më pëlqen edhe mënyra se si ka kaluar nga një ekip në tjetrën, nga një vend në tjetrin. Nuk është e thjeshtë, po shënon gjithmonë në momentin e parë. Më pëlqen që ta shoh duke luajtur”, ka thënë bomberi norvegjez.