Plazhet e Floridas në ShBA edhe sot vazhdojnë të jenë të mbushura me vizitorë edhe pse një ditë më parë, Lenny Curry, kryetar i zonës, tha se “nëse për arsye të ndryshme plazhet kthehen në burim për përhapjen e virusit ‘Korona’, ne mund t’i rikthejmë masat e mëparshme dhe t’i mbyllim sërish ato”.

Vendimi për hapjet e plazheve në Florida erdhi pasi ditët e fundit atje numri i personave të infektuar dhe viktimave nga virusi “Korona” kishte pësuar rënie dhe parashikohej që bregdeti të vizitohej vetëm nga banorët e zonës, por raportohet se njerëz nga qytete të ndryshme kanë udhëtuar qindra kilometra për t’i vizituar plazhet. /Epoka e re/