Në selinë e Lidhjes Demokratike të Kosovës (LDK) në Prishtinë, ka ndodhur një këputje e kabllove të internetit dhe të kamerave.

Zyrtarët e LDK-së me të shkruar në zyrë mëngjesin e sotëm kanë vërejtur këtë vandalizëm, ku autorët dhe motivet e të cilit ende nuk dihen.

Anëtari i Kryesisë së LDK-së, Arban Abrashi, e ka quajtur këtë akt si të papranueshëm.

“Nuk e di se kujt ka mundur t’i pengojë puna e LDK-së që të ndërmerr kësi veprime”, ka thënë Abrashi.

Abrashi ka bërë me dije se kanë kontaktuar me policinë dhe se për çfarëdo informate do ta njoftojnë publikun.