Ashtu edhe siç pritej Qeveria në detyrë në krye me Albin Kurtin, ka shkarkuar dy drejtorë të Telekomit. 

Të njëjtë gjë e kishte paralajmëruar ministrja e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari, ku kishte paralajmëruar se së shpejti do të shkarkohen dy anëtarët e Bordit i Përkohshëm të Drejtorëve të Telekomit të Kosovës, Teki Shalën e Luljeta Elezaj.

Shkarkimi i këtyre dy anëtarëve vjen si pasojë e moszbatimit të urdhrave politik për shkarkimin e Kryeshefit të Telekomit, Bedri Istrefit dhe vartësve të tijë.

Në vendimin e Qeverisë në detyrë, në vend të të shkarkuarve janë emëruar si drejtorë të Bordit të Përkohshëm në Telekom, Lule Ahmedi dhe Hekuran Nikçi.

Sipas burimeve të ‘Epokës së re’, bordi i ri pritet që të premtën të mbajë mbledhjen e saj dhe si pikë e rendit të ditës do e ketë shkarkimin e menaxhmentit të Telekomit.