Në Klinikën Infektive të QKUK-së janë të shtrirë 36 pacientë, 15 prej tyre janë të infektuar me koronavirus, ndërsa 18 pacientë të shëruar nga koronavirusi janë liruar për në shtëpi.

Prej të prekurve me Covid-19 nëntë raste janë në gjendje stabile, katër po marrin oksigjenoterapi dhe dy janë në gjendje të rëndë në përkujdesje intensive.

Nga 15 pacientë të infektuar me Covid 19:

• 9 raste janë në gjendje stabile,
• 4 raste janë në trajtim me oksigjenoterapi dhe përkujdesje intensive.
• Në mjekimin intensiv janë duke u trajtuar dy pacientë në gjendje të rëndë dhe përkujdesje intensive. Që të dy pacientët kanë sëmundje kronike të veshkave dhe janë në dializë.

Prej pesë pacientëve me Covid-19 dhe të cilët janë në dializë, tre prej tyre janë në gjendje të përmirësuar. Sot lirohen nga klinika 18 pacientë të shëruar nga infeksioni me Covid-19.

Ndërkaq, dy raste të cilët kanë rezultuar negativë në testimet e fundit për Covid-19 vazhdojnë trajtimin në klinikë i në pritje të rezultatit është vetëm një pacient.

(B. D.: ‘Epoka e re’)