Miriami, 16 vjeç, ishte nisur nga tenda për të marrë ujë në afërsi të kampit për persona të zhvendosur (IDP) në shtetin verilindor të Nigerisë, Borno, në janarin e vjetmë, kur i ishte afruar një grua që ajo i referohej si “Hallë Kiki”.

Gruaja e kishte pyetur Miriamin nëse ishte e interesuar të zhvendosej në qytetin Enugu për të punuar si shërbëtore me pagë mujore.

Miriami, e cila tani ka mbushur shtatëmbëdhjetë vjet, nuk ishte menduar dy herë me të dëgjuar ofertën dhe kishte nisur të përgatitej për udhëtimin e saj në drejtim të lindjes të nesërmen me mëngjes, shkruan KOHA. Ajo ia kishte thënë kushërirës së saj shtatëmbëdhjetë vjeçe, Roda, dhe e kishte këshilluar që edhe ajo të fliste me Hallë Kikin për të njëjtën punë.

Dhe kur Rodam, e cila ka mbushur të tetëmbëdhjetat, u takua me Hallë Kikin të nesërmen në mëngjes, e kishte pyetur nëse mund t’i agjente një vend pune edhe asaj. Dhe ajo shumë shpejt u mor, kështu që Roda mblodhi plaçkat e pakta.

“Të dyja ishim fort të mahnitura pse do të udhëtonim drejt Enugut”, thekson Miraimi. “Kishim vuajtur të zitë e ullirit për katër vjet me radhë dhe ishim të lumtura që po shkonim diku për të nisur një jetë të re”.