![](https://www.epokaere.com/wp-content/uploads/2020/05/haradinaj.jpg)
Haradinaj komenton propozimin e Vetëvendosjes për mbajtjen e zgjedhjeve të reja
11 maj 2020
| 14:24
Lideri i Aleancës për Ardhmërinë e Kosovës (AAK), Ramush Haradinaj, ka komentuar propozimin e Lëvizjes Vetëvendosjes që zgjedhjet parlamentare të mbahen me 14 qershor të këtij viti.
Ai ka thënë se shkuarja në zgjedhje do të ishte një situatë e re kushtetuese. Pavarësisht kësaj, ai ka thënë se Kosova ka një mundësi që ia jep Kushtetuta, që të mos shkojë në zgjedhje edhe nëse partia e parë nuk arrin ta bëjë shumicën.
“Vetëvendosja ndërron qëndrim në varësi të pozicionit të vet. Shkuarja në zgjedhje do të ishte një situatë e re kushtetuese. Për fat të mirë Kosova e ka këtë mundësi kushtetuese të mos detyrohet të shkojë në zgjedhje nëse i pari e humb shumicën apo nuk e bën shumicën në Kuvend”, ka thënë Haradinaj për “Oranews.tv”.