Kryetari i Komunës së Suharekës, Bali Muharremaj, ka dalë sot në terren për t’i vizituar disa prej fermerëve të kësaj komune, serat e të cilëve mbrëmë i ka dëmtuar breshëri. Ai ka treguar se dëme të shumta ka pasur sidomos në fshatin Nëpërbisht, por edhe në fshatra të tjerë të komunës që udhëheq. Muharremaj ka kërkuar mbështetje për bujqit e kësaj ane nga Qeveria e Kosovës. “Rreshjet e mbrëmshme kanë shkaktuar shumë dëme në bujqësi, në fshatin Nëpërbisht dhe fshatra tjera në Komunën e Suharekës.Dëmet janë të mëdha dhe ne do ta kërkojmë ndihmën nga institucionet qëndrore, e natyrishit do të angazhohem që tu ofroj mbështetje sipas mundësive”, ka shkruar Muharremaj në “Facebook”.

(B. D.: ‘Epoka e re’)