Gjobitet presidenti austriak, po darkonte në restorantin e shqiptarit
Mbrëmjen e së dielës, presidenti austriak Alexander Van der Bellen po darkonte në restorantin e një shqiptari, në Vjenë. Kishte kaluar ora 23 e mbrëmjes dhe një patrullë policie konstatoi shkeljen. Si pasojë lokali rrezikon gjobë deri në 30 mijë euro.
Pronari i restorantit Aki Nuredini tha për mediat austriake se kishte ndjekur të gjitha rregullat duke ndaluar shërbimin në orën 23:00, por mendonte se klientët lejoheshin të qëndronin në tarracën e restorantit.
Kurse presidenti tha: “Unë dola për herë të parë që nga bllokimi me dy miq dhe gruan time. Ne humbëm sensin e kohës teksa bisedonim. Më vjen keq sinqerisht. Ishte një gabim. Nëse i zoti i restorantit ka pasur ndonjë dëm prej meje, unë do të përgjigjem për dëmin e shkaktuar”.
Pronari i restorantit
Presidenti austriak