![](https://www.epokaere.com/wp-content/uploads/2020/05/27-05-2020-ZKM.png)
Kurti zhvilloi bisedë telefonike me kryeministrin e Sllovenisë
Kryeministri në detyrë i Kosovës, Albin Kurti sot ka zhvilluar një bisedë telefonike me kryeministrin e Sllovenisë, Janez Jansa.
Sipas njoftimit të Qeverisë së Kosovës, në këtë bisedë telefonike kryeministri Kurti dhe kryeministrin Jansa biseduan për menaxhimin e pandemisë dhe masat për rimëkëmbjen ekonomike.
“Sllovenia do t’i hapë kufijtë me kujdes pasi për momentin nuk ka raste të reja të infektimeve”, thuhet në këtë njoftim.
Nga ana e tij, kryeministri Jansa e përgëzoi kryeministrin në detyrë Kurti për punën e mirë dhe uroi që Kosova të dalë sa më mirë nga situata e krijuar.
“U bisedua edhe për dialogun me Serbinë. Kryeministri Jansa theksoi se qëndrimet e Sllovenisë janë të qarta. Jansa theksoi se nga viti i ardhshëm Sllovenia do ta ketë kryesinë e Këshillit të Bashkimit Evropian dhe shteti i tij do të përqendrohet edhe më shumë në Ballkanin Perëndimor, duke nxitur bashkëpunimin rajonal si dhe integrimin e tij në BE”, është bërë me dije në njoftimin e Qeverisë së Kosovës.
(M.Q / Epoka e re)