Ministri në detyrë i Punëve të Jashtme dhe Diasporës, Glauk Konjufca, ka rishpërndarë në llogarinë e vet në “Twitter” shkrimin e sekretarit e Shtetit, Mike Pompeo, duke u rreshtuar pro ShBA-së lidhur me situatën në Hong Kong pas humbjes së autonomisë nga Kina.

Konjufca ka shkruar se është i shqetësuar lidhur me futjen e projektligjeve të sigurisë kombëtare nga shteti kinez pa përfshirjen e përfaqësuesve të Hong Kongut.

“Shumë i shqetësuar lidhur me futjen e projektligjeve për sigurinë kombëtare pa përfshirjen e përfaqësuesve dhe popullit të Hong Kongut. Ne qëndrojmë me popullin e Hong Kongut”, ka shkruar Konjufca.

Sekretari i Shtetit, Mike Pompeo, ka raportuar para kongresit amerikan lidhur me humbjen e autonomisë së Hong Kongut nga Kina.

Deeply concerned about the introduction of national security legislation acts without the involvement of the representatives and the people of Hong Kong. We stand with the people of Hong Kong! https://t.co/Sq3yMDYMc0

— Glauk Konjufca (@KonjufcaGlauk) May 28, 2020