![](https://www.epokaere.com/wp-content/uploads/2019/07/selimi-1.jpg)
Selimi: Qëndrimet e Vjosa Osmanit janë në përputhje me ato të Vetëvendosjes
Nesër (e mërkurë) në orën 11:00 do të mbahet seanca në Kuvendin e Kosovës për formimin e Qeverisë së re, në krye me Avdullah Hotin.
Shefi i grupit parlamentar të Vetëvendosjes, Rexhep Selimi, ka thënë që vendimin për pjesëmarrje ose jo në këtë seancë, do ta marrin sot.
“Konsiderojmë që ashtu siç ishte dekreti jokushtetues i Thaçit, për nominimin e subjektit jo fitues për mandatar të Qeverisë, po ashtu aktgjykimi i Gjykatës Kushtetuese në mbështetje të këtij dekreti është i padrejtë”, ka thënë Selimi.
Selimi për “Arbresh.info”, ka thënë që kushdo që përjashton protestën në raste të tilla, sipas tij bën gabim.
“Ne nuk i përjashtojmë protestat edhe pse për të premten ne nuk jemi organizatorët, nuk i kemi thirr këto protesta”, ka thënë ai.
Selimi ka vlerësuar se kryetarja e Kuvendit, Vjosa Osmani, ka qëndrime të cilat janë të ngjashme me ato të Vetëvendosjes.
“Qëndrimet e Osmanit janë në përputhje me VV-në, pra këto qëndrime janë më shumë në përputhje me votuesit e LDK-së, që kanë besuar në ndryshim”.
“Osmani po mban jo vetëm qëndrim të njëjtë me VV-në, po mbi të gjitha qëndrim të njëjtë me votuesit e saj, që dikur e kanë votuar LDK”, është shprehur Selimi.