Komuna e Vushtrrisë sot pas konfirmimit të 15 rasteve të reja ka marrë vendim për mbylljen e çerdhes publike “Foleja”.

Kjo u bë e ditur nga një postim i komunës në rrjetin social “Facebook”, në të cili thuhet se deri në këtë moment nuk ka asnjë të infektuar, as nga stafi e as nga fëmijët që kanë qenë prezentë këto ditë në çerdhe, e vetmja arsye është të ruhet shëndeti i fëmijëve.

“Pas një vlerësimi të situatës epidemiologjike në komunën tonë e me qëllim të ruajtjes së shëndetit të fëmijëve, Shtabi Emergjent Komunal vendosi që përkohësisht të ndërprenë punën në çerdhen “Foleja” në Vushtrri nga nesër, e martë 09.06.2020, deri në një njoftim tjetër. Andaj njoftojmë të gjithë prindërit që mos t’i dërgojnë fëmijët në çerdhe deri në një njoftim tjetër”, thuhet në njoftimin e tyre.