![](https://www.epokaere.com/wp-content/uploads/2020/06/Klinika-Infektive.jpg)
23 raste me Covid-19 në infektivë, 3 në gjendje kritike
10 qershor 2020
| 13:26
Në Klinikën Infektive në QKUK janë të hospitalizuar 23 persona me COVID-19, ndërsa prej tyre tre janë në gjendje kritike.
“Nga 23 raste të infektuar me Covid-19, 15 raste janë në gjendje stabile. 5 raste janë duke u trajtuar në repart me oksigjenoterapi dhe përkujdesje intensive. Në repartin e Mjekimit Intensiv janë duke u trajtuar 3 raste në gjendje kritike. Jemi në pritje të rezultateve për 14 raste”, ka njoftuar Dr. Sadije Namani, shefe e repartit në Klinikën Infektive në QKUK.
Në Kosovë janë regjistruar 1269 persona me COVID-19, ndërsa prej tyre kanë përfunduar 31 me fatalitet. Janë shëruar 912 persona.